EKINTZAILEEI ZUZENDUTAKO LANBIDEREN DIRU-LAGUNTZEN DEIALDI BERRIA

/in , , , , , , , , , /by

Diru-laguntza bat negozio-ideia lantzeko da (1.000 €) eta beste bat jarduera martxan jartzen laguntzeko (1.500 €).

Eskaerak aurkezteko epea urriaren 7ra arte egongo da zabalik negozio-ideia aztertzeko, eta urriaren 26ra arte jarduera abian jartzeko..
Laguntza hauen helburua da onuradunek modu esklusiboan eta tutoretzapean negozio-ideia aztertzen eta bideragarritasun-plana garatzen edo jarduera abian jartzen jardun ahal izatea. Laguntzak bateragarriak dira besteren konturako lan batekin, baldin eta orduen zenbaketa osoan lanaldi osoaren% 30 gainditzen ez bada.
Aiarako Kuadrilla da Lanbiderekin elkarlanean dagoen erakundea gure eskualdean, baina eskaerak herri bakoitzean dagoen garapen-agentzian aurkeztu behar dira; kasu honetan, Amurrio Bideanen.
Erakunde hori arduratuko da, halaber, ekintzaileak zuzentzeaz 2 hilabeteko epean, negozio-ideia landu behar duten kasuetan, eta 3 hilabetez jarduerak martxan jartzeko proiektuetan.
Zehazki, aurten gure eskualdean negozio-ideia lantzeko 12 laguntza eman dira eta jarduerak martxan jartzeko 10 laguntza. Laguntzen kopuru jakin bat hogeita hamar urtetik beherakoei eta emakumeei eman behar zaie. Laguntza baino eskaera gehiago egotekotan, proiektuen eta hautagaien balorazio tekniko bat egingo litzateke, hautaketa-oinarrietan zehaztutako irizpideen araberakoa.
Informazio gehiagorako, Amurrio Bideanekin jarri harremanetan (El Refor kalea z/g); tel.: 945891721; helbide elektronikoa: autoempleo@amurriobidean.org.

Laguntzen koadroa

Aiaraldean egingo den Hazilan-en azken edizioa hasiko da.

/in /by

Lana bilatzeko HAZILAN programaren aurkezpena Irailaren 26an egingo da 10:30ean El Refor eraikinean.

Hazilan enplegua bilatzeko prestakuntza eta 4 hilabeteko bekadun praktikak biltzen dituen programa osoa da.

Amurrio Bidean-ek Hazilan programan izena emateko epea ireki du. Informazio gehiago jaso nahi duten pertsonak Amurrio Bidean-ekin harremanetan jarri ahal izango dira WhatsApp edo telefono bitartez 945891721 zenbakian edo helbide elektroniko honetan: empresa@amuriobidean.org.

Parte hartzeko baldintzak 20 eta 44 urte bitartean izatea, goi-mailako lanbide heziketako edo unibertsitateko ikasketak izatea eta lan-bilaketa aktiboan egotea dira.
Aiaraldean erroldatutako pertsonek lehentasuna izango dute eta formakuntzan parte hartu ostean bekadun praktikak egin ahal izango dituzte bakoitzak aukeratutako enpresan Lanbideren praktika akordio baten bidez. Gainera, Amurrion errodatutako pertsonen beka, Udaletxeko gazte enplegu plana dela eta, 800€ hilabeteko izatera helduko da.

Formakuntza urriaren 3an hasiko da eta talde saioak eta banakakoak egongo dira. Talde saioak goizeko 9:00etatik 14:00etara izango dira urria eta azaroa bitartean. Praktikak urtarrilan hasiko dira.

Izena emateko, utzi zure datuak galdetegi honetan:
https://forms.office.com/r/MDKKrYy1Pp

Jarduketa hau 2014-2020 programa operatiboaren barne dago eta Europako Gizarte Funtsak finantzatzen du %50ean.

Amurrio Bidean elkarteak sei prestakuntza-ekintza berri antolatu ditu urteko azken hiruhilekoan

/in /by

Enplegua bilatzeko prestakuntza, kudeaketa logistikoa, jatetxe eta tabernako oinarrizko lanak eta passivehaus dira urritik abendura bitartean egingo diren gaiak.

Amurrio Bidean programak prestakuntza-tailer eta -ekintza batzuk diseinatu ditu, guztiak aurrez aurrekoak, bai jardunean dauden eta trebetasunak hobetu edo ezagutza berriak eskuratu nahi dituzten pertsonentzat, bai langabeentzat, lan-merkatuan sar daitezen edo berriro sar daitezen errazteko.

 

Arabako Foru Aldundiak Aiarako Kuadrillaren bidez diruz laguntzen ditu ekintzak, Hazilan Programa izan ezik; izan ere, programa hori EGFek diruz laguntzen du eta % 50ean finantzatzen du, 2014-2020 aldirako EAEko Programa Operatiboaren barruan.

Ikusi hemen kurtso guztiak.

Sakatu hemen izena emateko: https://forms.office.com/r/EhZaU6G47V

 

Plazak mugatuak dira eta izen-emateak irailaren 1etik aurrera hasiko dira. Parte hartu nahi dutenek edo informazio gehiago nahi dutenek Amurrio Bidean elkartearekin jar daitezke harremanetan, 945891721 telefonoan edo formacion@amurriobidean.org helbide elektronikoan

URRIAN HASIKO DA HAZILAN PROGRAMAREN ZAZPIGARREN ETA AZKEN EDIZIOA, LANA BILATZEN LAGUNTZEKO.

/in /by
  • 2016tik Hazilanen 58 pertsonek parte hartu dute guztira. 33 pertsonek praktikak egin dituzte enpresetan, eta 13 ekintzailetza-proiektu aztertu dira.
  • Parte-hartzaileen % 40k lanean amaitu du programa.
  • 2018tik 27 beka eman dira, guztira 80.800 €-ko balioarekin.

Hazilanen parte hartzeko baldintzak hauek dira: 20 eta 44 urte bitartean izatea, goi-mailako heziketa-zikloko edo unibertsitateko gutxieneko ikasketekin, eta enplegu-bilaketa aktiboan egotea. Amurrion erroldatutako pertsonek dute lehentasuna, eta horiek bakarrik dute beka jasotzeko aukera.

Amurriok % 15,2ko langabezia-tasa du (langabezia-tasarik altuena duen EAEko 6. Udalerria da). Adinari dagokionez, pertsonen % 50ak 45 urtetik beherakoak dira, eta beste % 50 nagusiagosk (2022ko ekaineko datuen arabera).

Hazilan enpresako prestakuntza- eta praktika edo ekintzailetza-programa bat da. Programaren helburua da parte-hartzaileek 4 hilabetez enpresetan praktikak egin ahal izatea eta, aldi berean, tokiko eta eskualdeko enpresa-sareari kualifikazioa duten pertsonak hurbiltzea.

Bestalde, ekintzaile-kezka duten pertsonentzat, ekintzaile teknikariarekin negozio-ideia aztertzeko aukera ere bada, negozioaren bideragarritasuna aztertu ahal izateko, hau da, tutoretzapeko azterketa bat egiteko laguntza eta kontrastea izateko.

Hazilan-en parte hartzen duten pertsonek Amurrioko Udalaren gazteentzako enplegu-planeko beka bat jasoko dute, 800 €/ hileko. 12 beka horietako bat eskuratzeko, beharrezkoa da aldez aurretik 115 orduko zeharkako prestakuntza batean parte hartu izana, Amurrion erroldatuta egotea eta praktika-fasean edo proiektuaren garapenean egotea.

Gaur egun urrian hasiko den edizio berria planifikatzen ari da. Informazio gehiago nahi izanez gero, jarri harremanetan Amurrio Bideanekin, telefonoz edo whatsappez 945891721 telefonoan edo posta elektronikoz: empresa@amurriobidean.org helbidean.

Jarduera hauHAZILAN 2014-2020 aldiko EAEko EGF Programa Operatiboaren esparruan garatzen da, eta EGFek % 50ean kofinantzatzen du.

AMURRION EKONOMIA ZIRKULARRA, KONPONKETA EDO AUTOPARAZIOA SUSTATZEN DUTEN NEGOZIO-LERRO BERRIAK EZARTZEKO

/in /by

Eskaerak aurkezteko epea 2022ko irailaren 30era arte egongo da zabalik.

Amurrioko Udalak bigarren urtez argitaratu du 10.000 euroko aurrekontua duen laguntza-lerro hau.
Laguntza hau gure udalerrian 2022ko urtarrilaren 1etik irailaren 30era bitartean ekonomia zirkularrari, konponketari edo autoparazioari lotutako negozio-lerro berri bat ezarri duten edo ezarriko duten autonomoei, enpresei eta irabazi-asmorik gabeko elkarteei zuzenduta dago. 25 langile baino gehiago dituzten enpresak kanpoan geratzen dira (kontratatutako pertsonen eta autonomoen batura)

Laguntzaren zenbatekoa diruz lagundu daitekeen inbertsioaren edo gastuen % 75 da, gehienez ere 4.000 €enpresa bakoitzeko. Gutxienez 1.000 euroko inbertsioa edo gastua egin behar da (BEZik gabe) hura eskuratu ahal izateko. Onartutako eskaerek laguntza honetarako esleitutako aurrekontua gainditzen badute, hainbanaketa egingo da.
Laguntza hori Amurrioko Udala garatzen ari den programa espezifiko baten barruan dago, eta Eusko Jaurlaritzak diruz laguntzen du gure udalerriaren garapen sozioekonomikoa eta jasangarria sustatzeko.

Informazio gehiagorako edo edozein zalantza kontsultatzeko. Tel 945891721 Mail. autoenplegua@amurriobidean.org

Resumen_ayuda_economía_circular_Amurrio_2022

AMURRIOKO MERKATARITZAK BAT EGIN DU LGTBIQA+ HARROTASUNAREN EGUNAREN SENTSIBILIZAZIOAREKIN

/in /by

Udalerriko 30 establezimenduk hainbat totem jarriko dituzte euren lokalen aurrean, LGTBIQA+ harrotasunaren egunari buruzko informazioarekin; herritarrek ere kanpainan parte hartuko dute zozketa baten bitartez, eta parte hartzeko beharrezkoa izango da totemetan jasotako informazioarekin galdetegi bat betetzea.

Datorren astean Raisa Álava herriko artista oroimenezko horma-irudi bat margotzen hasiko da, urteko 365 egunetan sexu- eta genero-aniztasuna ikusarazteko.

 LGTBIQA+ Harrotasunaren Eguna dela eta, Amurrioko Udalak eta Izan Amurriok herritarrak errealitate horren inguruan sentsibilizatzeko kanpaina bultzatu dute. Kanpainarekin batera, bihar, ekainean zehar gauzatzen ari den eta horma-irudi batekin amaituko den ‘Amurrio Harro’ programazioaren egun handia ospatuko da.

30 saltoki murgilduta daude gaurtik aurrera sentsibilizazio-kanpainan, LGTBIQA+ Harrotasunaren Egunari buruzko informazioa duten hainbat totem jarriz. Guztira 15 izango dira, eta kalean jarriko dira, parte hartzen duten saltokien aurrean. Alde batetik, LGTBIQA+ kolektiboaren mugarri edo pertsonaia bati buruzko informazioa aurkitu ahal izango da, eta, bestetik, siglen esanahia banakatuko da, horietako bakoitzak zer adierazten duen jakiteko.

Kanpaina honetan, herritarrak sentsibilizatzeaz gain, zozketa baten bitartez parte-hartzea lortu nahi da. Zozketa horretan, galdera batzuei erantzun beharko zaie. Galdera horien erantzunak totemetan egongo dira. Parte hartzeko txartelak saltoki parte-hartzaileetan egongo dira eskuragarri, eta, osatu ondoren, Kultur Etxean dagoen hautestontzian utzi beharko dira.

Ekainaren 30ean erantzun guztiak zuzen eman dituzten parte-hartzaileen artean sari-sorta hauek zozketatuko dira:

  • “Los 50 Queers que cambiaron el mundo” liburua, eta azaroaren 12an Amurrion antzeztuko den “Cris, pequeña valiente” antzezlanerako 2 sarrera.
  • “Moio: gordetzea ezinezkoa zen” liburua, eta azaroaren 12an Amurrion antzeztuko den “Cris, pequeña valiente” antzezlanerako 2 sarrera.
  • “Orgullo. La lucha por la igualdad del movimiento LGTBI+” liburua, eta azaroaren 12an Amurrion antzeztuko den “Cris, pequeña valiente” antzezlanerako 2 sarrera.

Establezimendu parte-hartzaileak: Aranoa zapatak, Kapritx, If hair nails & beauty, Eguiluz moda y color, Bai-bada, Telmer, Entre punto y puntada, Lur, Librería Sanz, Katibel, Centro óptico Josu, New Jolan, HIT, Selene frutadenda, Fotografía Arregi, Spiral, Karisma, Lambarri, Gancedo, Elektrohob, Olerki, Basualdo, Lilura, La rana turquesa, Madis, Susana estética, Modapiel, Luyando ópticos, Burutxaga haragidenda eta Poryekta.

‘Amurrio Harro’ Eguna

Ekainean zehar, Amurrio erabat murgilduta egongo da ekainaren 28aren, LGTBIQA+ Harrotasunaren Nazioarteko Egunaren, inguruan egiten ari den aldarrikapen ugarien egitarauan. Erakusketa bat, tailerrak eta zine foruma izan dituen programazioa bihar amaituko da, ospakizunaren egun handiarekin. Bertan, besteak beste, erakusketak, ahalduntze-tailerrak, zinema eta antzerkia izango ditugu. 90 lagun bilduko dituen bazkari herrikoia ere egingo da Juan Urrutia parkean.

Gainera, joan den asteburuan udalerriko hainbat eserleku LGTBIQA+ kolektiboaren koloreekin margotu ziren. LGTBIQA+ Harrotasunaren Egunaren ospakizunarekin amaitzeko, datorren astean Raisa Álava herriko artista oroimenezko horma-irudi bat margotzen hasiko da, urteko 365 egunetan sexu- eta genero-aniztasuna ikusarazteko.

“Amurrio udalerri konprometitua, segurua eta anitza izatea nahi dugu. Eta horie serlekuen margotzearen, “Amurrio Harro” bezalako programazioaren edo artearen bitartez komunikatzea eta sentsibilizatzea bilatzen duen oroitzapenezko horma-irudiaren bitartez egingo dugu” azaldu du Txerra Molinuevo Laña, Amurrioko Alkateak.

Zabalik dago atzerrian praktikak egiteko Global Training bekak eskatzeko epea.

/in /by

Uztailaren 18ra arte, hilean 1.530 €-ko zuzkidura duten 80 beketako bat eska daiteke, unibertsitate-titulua eta B2 ingeleseko maila, edo goi-mailako lanbide-heziketa eta B1 ingeleseko maila duten 30 urtetik beherakoentzat.

Garapen, Amurrio Bidean garapen agentzien elkarteko kide da, eta mundu mailako eremu geografikoko bekak eskaintzen ditu. Beka bakoitza proiektu partikular bati lotuta dago, eta berariazko sarbide-prestakuntza behar du, egiaztatu beharrekoa.

Bekak hilean 1.530 €-ko zuzkidura ekonomikoa du (gordinak) eta gutxienez 6 hilabeteko iraupena izango du. Pertsonak iraila eta abendua bitartean irtengo dira helmugara.

Parte hartu nahi baduzu izena eman uztailaren 18a baino lehen esteka honetan. Hemen nformazio gehiago duzu www.becasglobaltraining.eus,  eta Amurrio Bidean-en bulegoan ere, bai telefonoz eta whatsapp bidez; 945891721 zenbakian,  edo enpresa@amurriobidean.org posta elektronikoan.

 

Amurrio Bidean agentziak abian jarri du enplegu bilaketa-programei buruzko aholkularitza-zerbitzu orokor eta pertsonalizatua

/in , , , , /by

LANBILA. LEHEN ENPLEGURAKO KITA programan izena emateko epea luzatu egin da.

Amurrio Bidean garapen agentziak, herritarrei lana bilatzen laguntzeko, hainbat programa ditu martxan. Lanbila, planteatuta dago gazteei ikasketak amaitu ondoren lan-munduan izango dituzten lehen esperientzietan orientazioa emateko, astebeteko formatu espres batean.

Lanbilaz gain, HAZILAN programa dugu, 20 eta 44 urte bitarteko gazte langabeei zuzendua. Hazilanen, lan-gaitasunak lantzen dira, eta, gainera, eskuratutako ezagutzak aplikatzen dira, bekadun praktiken fasearekin: hilean/800€ 4 hilabetez.

Bestalde, HAZILANen barruan, adin-tarte berdinerako eta CFGMtik aurrerako ikasketetarako, AKTIBATU EXPRES programa espezifikoa ere badugu, lana bilatzeko banakako laguntza-zerbitzu pertsonalizatua eskaintzen duena.

Era berean, Garapenekin, Euskadiko garapen-agentzien elkartearekin, elkarlanean aritzen da urtero GLOBAL TRAINING BEKAK kudeatzeko. 30 urtera arteko gazteei zuzenduta daude, GMHko prestakuntza edo unibertsitate-ikasketak eta ingeles-ezagutzak dituztenei, eta 6 hilabetez hilean 1530 € ematen zaizkie atzerrian praktikak egiteko.

Horregatik, Amurrio Bidean-ek esteka hau aktibatu du, lehen aipatutako edozein enplegu-programatan izena emateko aukera emateko. Interesa duen edonork bete ahal izango du inprimaki hau, eta agentziak aholkua emango dio bere beharretara ondoen egokitzen den enplegu-programari buruz.

AURRETIK EZAGUTZARIK IZAN GABE BIDEO-JOKOAK EGITEN IKASTEKO BI TAILER ANTOLATU DITU GAMES ACADEMYK AMURRION

/in /by

Amurrio Bidean-ekin lankidetzan, Euskadin bideo-jokoaren industria sustatzeko Gasteizko Campusaren F2P ekimenak, 14 urtetik gorako gazteentzako tailerrak antolatu ditu bigarren urtez, ekainaren 30ean eta uztailaren 1ean, El Reforreko instalazioetan.

Amurrio Bidean-ek eta euskal erakundeek, Gasteizko F2P Campusaren bitartez, Euskadin bideo-jokoaren industria sustatzeko eta gazteenen artean bokazio berriak sortzeko bultzatutako Games Academy ekimenak, bigarren urtez jarraian, hastapen-tailer bat antolatu dute ekainaren 30ean, eta beste bat aurreratuagoa uztailaren 1ean. Bi tailerrak 10:00etatik 14:00etara izango dira, El Refor Amurrioko instalazioetan.

Aldez aurretik ezagutzarik izan gabe bideo-jokoak sortzeko tailer horien helburua bertaratutakoei aurretik eskura izan ez dituzten tresnen erabilera hurbiltzea da. Helburua bideo-jokoen garapenera modu errazean hurbiltzea da. Bestalde, parte-hartzaileek bideo-jokoen lehen mailak, mekanikak eta menuak sortu ahal izango dituzte, oso tresna bisual errazak erabiliz, eta, horrela, lehen hartu-eman atsegina eta erraza izango dute bideo-jokoen munduarekin. Gainera, hutsetik hasita joko bat egin ahal izango dute.

“Tailerren helburua bertaratutakoen jakin-mina eta interesa piztea da, erabiltzen ikasiko dituzten doako tresnekin etxetik bideo-jokoak egiten eta ikasten jarraitu ahal izan dezaten. Azken batean, mundu mailan eta gure herrialdean etengabe hazten ari den sektorean bokazioa piztea da helburua”, Games Academy-tik azaldu dutenez.

Bideo-jokoak goraka ari diren sektoreak dira, eta finkatuta dauden lurraldeetan negozio-gaitasuna eta aberastasuna sortzeko ahalmena era esponentzialean handitzen dute urtero. Azken ikerketen arabera, Espainian dauden 435 estudioek 1.105 milioi euro baino gehiago fakturatu zituzten 2020an, aurreko urtean baino %20 gehiago, eta 7.500 pertsona baino gehiagori eman zieten lana. Datozen urteetarako hazkunde-aurreikuspenak ikusgarriak dira; izan ere, 4 urte baino gutxiagoan fakturazioa bikoiztu egingo da, ia 2.300 milioi eurora iritsiz, eta 11.000 pertsona baino gehiagori emango die enplegua. Bideo-joko horiek diseinatzeko eta garatzeko behar diren profilak askotarikoak dira, eta horrek esan nahi du sektore horretan interesa duten gazteek aukera ugari izango dituztela.

Doako izen-ematea

Tailerrak doakoak dira, baina aldez aurretik izena eman beharko da Amurrio Bidean-en, inprimaki honetan: https://forms.office.com/r/FB87dQhtSX.

Kontsultak egiteko deitu edo idatzi Whatsapp bitartez 945891721 telefono-zenbakira.

Ekainaren 30ean hastapen-tailerra egin nahi dutenek ez dute gaiari buruzko aldez aurreko ezagutzarik izan beharko. Bestalde, uztailaren 1ean egingo den tailer aurreraturako, parte hartu nahi duten pertsonek aurtengo edo iazko hastapen-tailerretik igarota egon edo Unreal programa ezagutu beharko dute.

 

Nueva Convocatoria de acceso al Semillero y Centro de Empresas Reforamurrio Enpresaldea

/in /by

Ekainaren 1etik 30era zabalik egongo da eskabideak aurkezteko epea

Lokalak jarduera Zerbitzuen Sektorea (“Bulegoak”) delakoan betetzen duten edo beteko duten enpresa edo pertsona sustatzaileei zuzentzen zaizkie.

Enpresen hazitegi eta zentroaren kasuan, modulu edo bulego bakoitzaren alokairu‑prezioan errentan hartutako lokal bakoitzaren kontsumo-gastuak daude barne, hala nola elektrizitatea, Interneterako konexioa, berokuntza, garbiketa eta abar. Era berean, zerbitzu komun batzuk ere bai: harrera, officea, postontzi pribatua, lokalen mantentze-lana, segurtasun-sistema, bilera-gelak, etab.

Jarduera hasiko duten edo eskabidea aurkezteko unean jarduera duela hiru urte baino gutxiago alta eman zuten enpresa edo pertsona sustatzaileek prezio hobariduna izango dute, dagoeneko finkatutako enpresekin alderatuta.

Gainera, hobari gehigarriak aplikatuko dira enplegua sortzeagatik (% 20tik % 37ra bitartean) eta garatuko den jarduera berritzailetzat jotzen bada (% 10-% 25), baldin eta modulua 25 m baino handiagoa bada. Hobariaren bi ehuneko horiek bateragarriak dira, baldin eta % 50 gainditzen ez bada.

Une hauetan, 10,36 m2 eta 34,66 m2 bitarteko moduluak daude libre.

Reforamurrio Enpresaldeak, 2005eko apirilean inauguratu zenetik, hogeita hamabi enpresa hartu ditu, era askotako jarduerak betetzen dituztenak: enpresentzako aholkularitza, ikus-entzunezko zerbitzuak, IKTak, arkitektura eta barne-diseinua, ingurumen-zerbitzuak, diseinu grafikoa eta komunikazioa, industria-enpresetako merkataritza-ordezkaritzak, etab.

Coworking espazioa

34,66 m²-ko bulego partekatua da, Reforamurrio Enpresaldearen lehen solairuan dagoena. Lokalak lau lanpostu, bilera-mahai bat eta bulegoko altzariak ditu, bai eta Interneterako konexioa ere; erabiltzaileek zentroko gainerako instalazioak erabil ditzakete, hala nola bilera-gelak, harrera, officea, etab.

Espazioa diseinuarekin, IKTekin, industriari lotutako zerbitzuekin, lanbide-zerbitzuekin eta abarrekin lotura duen jarduera bat betetzen edo beteko duten pertsona edo enpresei zuzentzen zaie. Coworkingera lan egiteko espazio mugatu bat behar duten eta bulegoa partekatzeko eragozpenik ez duten pertsona ekintzaileek eta besteren konturako langileek jo dezakete. Hilean 26,84 € izango dira, BEZa aparte.

Interesa duten pertsonek eta enpresek honako bitarteko hauen bidez egin dezakete kontsulta edo eskatu informazioa: Amurrio Bidean (El Refor Kalea zk.g.), 945 891721 telefono-zenbakia, administracion@amurriobidean.org helbide elektronikoa, www.amurriobidean.org web-orria