AIARAN EKIN: EKINTZAILEEI ETA ENPRESA TXIKIEI ZUZENDUTAKO HIRU PRESTAKUNTZA- ETA ESPERIENTZIA- JARDUNALDI

/in /by

Jardunaldiak azaroaren 16, 23 eta 29an izango dira, 16:00etatik 18:30era. Prestakuntza amaitu ondoren, bisita antolatuta dago jardunaldia garatuko den enpresa ezagutzeko, eta ostean produktu dastaketa egongo da.

“Express” prestakuntza mota honek pertsona ekintzaile eta enpresa edo negozio txikientzat harrera ona izan duenez, berriro ere hiru jardunaldi antolatu dira eskualdeko udalerrien artean.  Aurten, prestakuntzaz gain, prestakuntza garatuko den enpresara bisita antolatu da.  Prestakuntza inguruko 3 enpresetan garatuko da, ohiko guneetatik ateratzeko eta ekimen horiei ikusgarritasuna emateko.  Horrela parte-hartzaileek eskualdeko beste enpresa-esperientzia batzuk “in situ” ikusi eta ezagutzeko aukera izango dute.

Tailerretako gaiak merkataritza arlokoak izango dira, negozio edo enpresa gehienentzat zailtasun handiena suposatu ditzaketenak, batez ere negozioen hasieran. Eguneroko lanean erabiltzeko tresna eta estrategia errazak ematea da helburua, epe laburrean emaitza ikusgarriak lortzeko. Jardunaldien bideratzaileak arlo hauetan adituak diren profesionalak izango dira; Grupo Bentas eta Innobide.

Vital Fundazioak, Aiarako Kuadrillaren bidez, jardunaldi hauek diruz laguntzen ditu, enpresa-proiektu berriak abian jartzeko edo dagoeneko ezarrita dauden enpresei finkatzen lagutnzeko asmoaekin.

Informazio gehiago nahi izanez gero eta tailer guztietan edo batzuetan izena eman nahi izanez gero, jarri harremanetan Amurrio Bideanekin, 945891721 telefono-zenbakian edo autoempleo@amurriobidean.org posta elektronikoan.

Deskargatu hemen programa

Lan elkarrizketak egiteko tailerra

/in /by

Datorren ostiralean, azaroak 17, 9:30-13:30ean, “Prestatu zure lan-elkarrizketa” izeneko tailerra izango da. Helburua da laneko elkarrizketak eta horien modalitateak segurtasun handiagoz nola egin jakitea.

Lana bilatzeko helburuak eta ongi antolatutako eta orientatutako curriculum bat argi izateak duen garrantzia landuko da, helburu horrekin eta postulatzen den enpresa/eskaintzarekin bat etorriz; gure esperientziak, prestakuntza eta trebetasunak argi eta garbi komunikatzen ikastea; autoestimua eta segurtasuna, trebetasun pertsonalak eta emozioen kontrola landuko dira, lan-elkarrizketetara bideratuta.

Era berean, elkarrizketa motak eta elkarrizketatzaileen baliabideak aztertuko dira, elkarrizketatuak egoera desberdinetan ahalik eta modu zuzen eta koherenteenean jardun dezan.

Tailerrean parte hartzeko beharrezkoa izanen da aldez aurretik Adecco enpresarekin lan elkarrizketa bat grabatzea. Enpresak zuzenduko du tailerra, azaroaren 15ean eta 16an. Grabazio hori Teams bidez egingo da. Horretarako, Interneterako sarbidea duen telefono mugikorra edo ordenagailua besterik ez da behar.

Ostiraleko saio presentzialean grabazioak ikusi eta iritziak bateratuko dira feedback konstruktibo baten bidez, eta, azkenik, hasierako elkarrizketak eta tailerrean ikasitakoa alderatuko dira. Hartara, lan-elkarrizketa bati aurre egiteko motibazioa eta segurtasuna lortuko ditugu.

Plazak mugatuak dira eta Aiaraldeko pertsonentzat dira, haien prestakuntza edo lan egoera edozein dela ere, baina lehentasuna izanen dute Amurrion erroldatuta daudenek eta langabezian daudenek.

Informazio gehiago izateko, jarri harremanetan gurekin 945891721 telefonoan edo whatsapp-en, eta emailez: empresa@amurriobidean.org

Izena emateko Amurrio Bidean-en pertsonen atarian

Suite informatikoa hodeian.

/in /by

Nola aprobetxatu ahalik eta gehien Microsoft 365.

Azaroaren 7an hasiko da. 21 orduko aurrez aurreko prestakuntza, asteartetik ostegunera garatuko da, 10: 00etatik 13: 30era.

Prestakuntza hau, batez ere, jardunean dauden pertsonei zuzenduta dago. Parte-hartzaileek Interneti buruzko ezagutzak izan beharko dituzte, eta ahal dela baita ofimatikari buruzkoak ere, erabiltzaile-mailan.

Prestakuntza horretan parte hartuz enpresa txiki eta ertainetan lan egiten duten profesionalek eguneroko lana optimizatzen eta eraginkortasuna eta produktibitatea hobetzen lagunduko dieten tresna eta teknologia aurreratuak ezagutu ahal izango dituzte. Trebetasun horiek erakargarriak izan daitezke langabeentzat ere, gero eta enpresa gehiagok bilatzen baitituzte teknologian trebatutako pertsonak, beren lan-prozesuak digitalizatzen laguntzeko.

Suitearen funtzionalitate nagusiak jorratuko dira, ofimatikakoak, lankidetza-lana hobetzeko edo urruneko lana optimizatzekoak izan, bai eta konfigurazioa, laguntza-tresnak eta informazioa babesteko neurriak ere.

Amurrio Bidean (El Refor kalea z/g) enpresaren instalazioetan emango da.

Plazak mugatuak dira eta izen-ematea Amurrio Bidean-en Pertsonen Atarian egin behar da: https://www.tganet.net/BEO/hasiera_amurrioeu/ .  Lehenengo aldiz sartzekotan erregistroa egin beharko da eta gero Kurtsoen atalara jo.

Informazio gehiago nahi izanez gero, jarri harremanetan Amurrio Bidean-ekin, 945891721 telefonoan edo formacion@amurriobidean.org helbide elektronikoan.

Arabako Foru Aldundiak Aiarako Kuadrillari diruz lagundutako jarduera.

SUITE informatikoa hodeiean. Edukiak

Marketin digitala da XXI. mendeko profesionalentzat.

/in /by

Prestakuntza presentziala da, 60 ordukoa, eta astelehenetik ostiralera emango da, 09: 30etik 14: 30era. Urriaren 30ean hasten da.

Prestakuntza hau eskualdean erroldatuta dauden langabeei zuzenduta dago batez ere. Kasu horretan, parte-hartzaileek Interneti buruzko ezagutzak izan beharko dituzte, gutxienez erabiltzaile mailan. Prestakuntza honetan parte hartuz, aukera profesionalak zabaldu ahal izango dituzte, aldez aurretik egindako ikasketak marketin digitalari buruzko ezagutzekin osatuz. Prestakuntza interesgarria da, halaber, beren produktua edo zerbitzua Internet bidez saltzeko merkataritza-lana egin behar duten ekintzaileentzat edo autonomoentzat.

Marketin digitalaren estrategia-edukiak, publizitatea, sare sozialak, email marketina, emaitzen analisia, joerak eta etorkizuna jorratuko dira.

Bi prestakuntza-ekintza horiek Amurrio Bidean (El Refor kalea z/g) enpresaren instalazioetan emango dira.

Plazak mugatuak dira eta izen-ematea Amurrio Bidean-en Pertsonen Atarian egin behar da: https://www.tganet.net/BEO/hasiera_amurrioeu/ .  Lehenengo aldiz sartzekotan erregistroa egin beharko da eta gero Kurtsoen atalara jo.

Informazio gehiago nahi izanez gero, jarri harremanetan Amurrio Bidean-ekin, 945891721 telefonoan edo formacion@amurriobidean.org helbide elektronikoan.

Arabako Foru Aldundiak Aiarako Kuadrillari diruz lagundutako jarduera.

Bezeroarentzako arreta, salmentak eta marketina

/in /by

90 orduko prestakuntza da, eta aurrez aurreko formatuan emango da astelehenetik ostegunera, 09: 30etik 14: 30era, urriaren 9tik aurrera.

Batez ere, eskualdeko langabeei zuzenduta dago, baina lanean ari diren pertsonek ere parte har dezakete, baldin eta prestakuntza horrek beren ezagutzak zabaltzeko aukera ematen badie, beren lanbidean beste zeregin batzuk bete ahal izateko. Aukera bat da, halaber, merkataritza- edo zerbitzu-establezimendu bat kudeatu behar duten ekintzaileentzat.
Prestakuntza oso praktikoa izango da, eta sektoreko joera eta tresna digital berriekin bat etorriko da, bertaratutakoek, ikastaroa amaitu ondoren, bezeroaren arretan eta salmentetan ohikoenak diren funtzioak behar bezala bete ditzaten.

Hainbat gai landuko dira, hala nola adimen emozionala, salmenta-prozesua, saltzeko eta stocka kontrolatzeko tresnak (ST, etab.) edo marketin-teknikak salmentarako, marketin digitala barne.

Formakuntza Amurrio Bidean (El Refor kalea z/g) enpresaren instalazioetan emango dira.

Plazak mugatuak dira eta izen-ematea Amurrio Bidean-en Pertsonen Atarian egin behar da: https://www.tganet.net/BEO/hasiera_amurrioeu/ .  Lehenengo aldiz sartzekotan erregistroa egin beharko da eta gero Kurtsoen atalara jo.

Informazio gehiago nahi izanez gero, jarri harremanetan Amurrio Bidean-ekin, 945891721 telefonoan edo formacion@amurriobidean.org helbide elektronikoan.

Formakuntzaren edukiak (erdaraz)

Web Programazioaren Hastapen Javascript-ekin ikastaroan izena emateko epea luzatu da

/in , , , , , , , , , /by

Interesatuek irailaren 14ra arte eman dezakete izena.

125 orduko ikastaro honek oinarri sendoa emango die parte-hartzaileei web programazioan, JavaScript lengoaia ezaguna erabiliz. Programazioan aldez aurreko esperientziarik behar ez bada ere, komeni da pentsamendu konputazionalari buruzko oinarrizko ezagutzak izatea, sarbide-proba batean frogatu beharko direnak.

Ikastaro hau pentsamendu konputazionalari buruzko oinarrizko ezagutzak dituzten pertsonei zuzenduta dago (lagundutako programekin programazioa egin dutenei edo aldez aurretik kodea interpretatu dutenei), web programazioan lehen aldiz sartu nahi dutenei, bai eta aurretiko ezagutzak zabaldu eta horiek egiaztatzen dituen ziurtagiri bat lortu nahi dutenei ere. Ez du axola helburu profesionalak dauden edo soilik jakin-minez ikasteko egiten den, programa honek web programazioaren munduan moldatzeko beharrezko oinarriak emango ditu.

Prestakuntza teleprestakuntzako modalitatean garatuko da, eta, horrela, ikasleek beren erritmoan aurrera egin ahal izango dute, eguneroko ordutegietara eta arduretara egokitzeko beharrezko malgutasuna eskainiz. Tutore talde bat prest egongo da ikastaroan zehar parte-hartzailea gidatzeko eta bere zalantzei erantzuteko, ikaskuntza-giro kolaboratibo eta aberasgarria sortuz.

Prestakuntza irailaren 18an hasiko da, eta aurrez aurreko hiru jarraipen-saio egingo dira arratsaldeko 5etatik 7etara; irailaren 18an (astelehena) (hasiera), urriaren 16an (astelehena) eta azaroaren 16an (amaiera-eguna).
Lanean edo langabezian dauden pertsonak, eskualdean erroldatuta edo ikasten ari direnak edo eskualdean kokatutako enpresetan lan egiten dutenak inskribatu ahal izango dira.

Informazio gehiago nahi izanez gero, jo Amurrio Bidean-era telefonoz edo WhatsApp bidez (945891721) edo formacion@amurriobidean.org helbidera. Izena emateko, bete formulario hau (https://forms.office.com/e/SxyNZQtLRU) eta harremanetan jarriko gara.

Prestakuntza hau Arabako Foru Aldundiak diruz laguntzen dio Aiarako Kuadrillari.

Izena emateko epea zabalik dago Amurrio Bidean zentroan urteko azken lauhilekoan emango diren lau prestakuntza-ekintzetan

/in /by

Web programazioa, bezeroarentzako arreta, marketin digitala eta hodeiko Suite informatikoa emankorragoa izateko, izango dira prestakuntzaren gaiak.

Amurrio Bidean-ek prestakuntza-tailer eta -ekintza batzuk diseinatu ditu, bai jardunean dauden pertsonentzat, beren gaitasunak hobetu edo ezagutza berriak eskuratu nahi dituztenentzat, bai langabeentzat, lan-merkatuan sartzen edo berriz sartzen laguntzeko.

Prestakuntza-ekintzetako hiru aurrez aurrekoak dira, eta Reforamurrio Enpresaldearen instalazioetan emango dira; web-programazioaren hastapenak, berriz, online egingo dira, eta parte-hartzaile bakoitzak bere lan-erritmoa ezarriko du ikastaroan aurreikusitako daten barruan, prestakuntza-ekintza osatzen duten moduluak osatu arte. Azken kasu horretan, aurrez aurreko hiru saio egingo dira ikasturtean zehar, hilean bat, jarraipena egiteko eta zalantzak argitzeko, 17: 00etatik 19: 00etara.

Beherago, formazio bakoitzari buruzko informazio gehiago deskarga dezakezu.

Plazak mugatuak dira eta izen-ematea Amurrio Bidean-en Pertsonen Atarian egin behar da: https://www.tganet.net/BEO/hasiera_amurrioeu/ .  Lehenengo aldiz sartzekotan erregistroa egin beharko da eta gero Kurtsoen atalara jo.

Informazio gehiago nahi izanez gero, jarri harremanetan Amurrio Bidean-ekin, 945891721 telefonoan edo formacion@amurriobidean.org  helbide elektronikoan.

Arabako Foru Aldundiak diruz laguntzen ditu ekintzak, Aiarako Kuadrillaren bitartez.

AFAren kurtso zerrenda

Ezagutu web programazioaren mundua JavaScripten oinarritutako Programazioaren Hastapen ikastaroarekin!

/in , , , , , /by

Amurrio Bidean, GAIArekin batera (teknologia-klusterra), online ikasteko aukera baliotsua eskaintzen du, web-garapenean sartu nahi dutenentzat eta Aiarako Kuadrillako enpresetan erroldatuta edo lan egiten dutenentzat diseinatua.

125 orduko ikastaro honek oinarri sendoa emango die parte-hartzaileei web programazioan, JavaScript lengoaia ezaguna erabiliz. Programazioan aldez aurreko esperientziarik behar ez bada ere, gomendagarria da irailaren 6an egingo den hackatoi batean frogatu beharko diren oinarrizko ezagutzak izatea. Horrela, parte-hartzaileek ikastaroaren edukia ahalik eta gehien aprobetxatu ahal izango dutela ziurtatuko da.

Hackatoia saio zirraragarria izango da, eta bertan trebetasunak erakutsi eta programazioarekin lotutako erronka praktikoak ebatzi beharko dira, taldeka lehiatuz. Ikastaroan parte hartzeko aurretiazko ezagutzak ebaluatzeko aukera izango da.

Prestakuntza irailaren 11n hasiko da, eta giro birtualean egingo da. Horri esker, ikasleek beren erritmoan egin ahal izango dute aurrera, eguneroko ordutegietara eta arduretara egokitzeko beharrezko malgutasuna eskainiz.

Tutore talde bat prest egongo da ikastaroan zehar parte-hartzailea gidatzeko eta bere zalantzei erantzuteko, ikaskuntza-giro kolaboratibo eta aberasgarria sortuz. Horrez gain, aurrez aurreko hiru segimendu-saio izango dira: irailaren 11n (astelehena), urriaren 16an (astelehena) eta azaroaren 16an (amaiera-eguna).

Ikastaro hau web programazioan lehen aldiz sartu nahi duten pertsonei zein aurretiko ezagutzak zabaldu nahi dituztenei zuzenduta dago. Ez du axola helburu profesionalak dauden edo soilik jakin-minez ikasteko egiten den, programa honek web programazioaren munduan moldatzeko beharrezko oinarriak emango ditu.

Informazio gehiago nahi izanez gero, Amurrio Bidean webgunera jo (www.amurriobidean.org) eta aurrez izena eman edo kontsultak egin nahi izanez gero, formulario hau bete dezakezu (https://forms.office.com/e/dFb9kWMdTG).

Prestakuntza hori Arabako Foru Aldundiak diruz laguntzen dio Aiarako Kuadrillari.

Uztailaren 20an e-SIR plataformari buruzko tailer bat egingo da enpresentzat, hondakinen lekualdaketa jakinarazteko

/in /by

2023ko uztailaren 1etik aurrera, hondakinen lekualdaketak jakinarazteko IKS-eem plataformak operatibo egoteari utziko dio, eta e-SIRren bidez egin beharko da (Ministerioak garatutako plataforma hondakinak lekualdatzearekin lotutako dokumentuak elektronikoki bidaltzeko: aurretiazko lekualdatze-jakinarazpenak eta hondakinak identifikatzeko dokumentuak).

Gogorarazten da prozedura elektronikoa Aurretiazko Jakinarazpenaren mende dauden hondakinen lekualdaketetarako bakarrik dela beharrezkoa, ekainaren 2ko 553/2020 Errege Dekretuaren 3.2 artikuluan ezarritako betekizunen arabera. Zehazki:

  • Hondakin arriskutsu eta ez-arriskutsuen lekualdaketak, ezabatu beharrekoak;
  • Hondakin arriskutsuen lekualdaketak, LER 20 03 01 kodearekin identifikatutako etxeko hondakin nahastuen lekualdaketak eta erregelamendu bidez zehazten direnak, balorizatzeko direnak.

Aplikazio batetik besterako joan-etorria errazteko, Amurrioko enpresentzako tailer bat proposatu da datorren uztailaren 20an, 9-13: 00etan, Amurrio Bidean.

Prestakuntzan 8 enpresak parte hartu ahal izango dute, hau da, talde txiki batek, arreta pertsonalizatua izan dadin, eta aldez aurreko aholkularitza labur bat eta aurrez aurreko 4 orduko prestakuntza izango ditu.

Prestakuntza praktikoa izango da, eta, beraz, saioa amaitzean, bertaratuek
– Hondakinak lekualdatzeari lotutako legezko baldintzak ezagutuko dituzte.
– e-ESI plataformaren ezaugarriak eta atalak ezagutuko dituzte.
– e-ESI plataforman erregistratuta egongo dira

Gainera, lekualdaketaren simulazio bat egingo dute.
Parte-hartzaile bakoitzak Interneterako sarbidea duen ordenagailu bat, baliozko ziurtagiri elektronikoa eta NIMA (ingurumen-identifikazioko zenbakia) izan beharko ditu saioan parte hartzeko.

Kontsultak egiteko, honako hauekin jarri harremanetan:
– Susana Torregaray de Isladak- prestakuntza emango duen aholkularitza-enpresa ( susana@isladak.eus edo 687 978 626)
– Maria Tello, Udaleko Ingurumen Sailekoa ( ingurumena@amurrio.eus edo 945891161 Luzapena 180)
– Izen-emateari edo antolakuntzari buruzko kontsultak egiteko, jarri harremanetan Amurrio Bidean-ekin (formacion@amurriobidean.org edo 945891721).

Jardunaldian izena emateko, esteka hau erabil daiteke: https://forms.office.com/e/BPZTyuThRW

Eskolaz kanpoko jarduera berria Amurrion: Auto elektrikoen diseinua, eraikuntza eta pilotajea.

/in /by

Irailetik aurrera, Amurrio Bidean-ek STEM (Zientzia, Teknologia, Ingeniaritza eta Matematika) arloetan oinarritutako proiektu zirraragarri bati emango dio hasiera. Proiektu horretan, 11 eta 16 urte bitarteko neska-mutilek auto elektriko bat muntatzeko eta GreenPower zirkuituetan parte hartzeko aukera izango dute.  (Info+).

Jarduera hau Amurrion erroldatutako gazteei edo Amurrioko ikastetxeetako ikasleei zuzenduta dago eta helburu nagusia zientzia eta teknologiako trebetasunak sustatzea da. Parte-hartzaileak astean bitan bilduko dira Zaraobe Institutuko instalazioetan, eta bertan auto elektrikoa muntatzen, optimizatzen eta nahi den abiadura lortzeko estrategiak garatzen lan egingo dute. Erantzukizun gehigarriak ere esleituko zaizkie, hala nola, lasterketen gastuak eta kontsumigarriak estaltzeko finantzaketa eta babesak bilatzea, eta proiektuaren komunikazioaz eta marketinaz arduratzea.

Jarduera hori egiteko, gutxienez 6 kidek parte hartu behar dute, eta gehienez, 12k. Era honetan, parte-hartzaileek taldeak osatu ahal izango dituzte eta elkarrekin lan egin ahal izango dute proiektuaren alderdi guztietan, hainbat arlotan txandakatuta: ingeniaritzan, finantzetan eta komunikazioan.

Esperientzia dibertigarria izateaz gain, jarduera honek etorkizunerako garrantzitsuak diren arloetan (elektrizitatea, mekanika, aerodinamika, finantzak eta komunikazioa) trebetasun praktikoak garatzeko aukera ematen die gazteei. Profesional-taldeak ikaskuntza eraginkorra bermatzeko behar den orientazioa emango du.

Proiektu honetan parte hartzeko izen-ematea uztailean egongo da zabalik.  . Emakumeek jarduera maskulinizatu hauetan parte har dezaten sustatzeko, lehentasuna emango zaie taldea osatzerakoan.

Auto elektrikoak eraikitzeko eta lehiatzeko talde honetan parte hartu nahi baduzu, Amurrio Bidean-ekin telefonoz edo whatsappez 945891721 zenbakian egin daiteke, formacion@amurriobidean.org helbidearen bidez, edo hurrengo galdetegian zure datuak utziz: https://forms.office.com/e/jujNeBKCxj.

Ez galdu zientzia eta teknologiaren arloan dibertsioa eta ikaskuntza uztartzen dituen esperientzia paregabe baten parte izateko aukera!

Aurkezpena