VITAL Fundazioak laguntzen ditu diruz, Aiarako Kuadrillaren bitartez, uztailaren 4an eta 12an egingo diren tailer hauek.

Gure gizartearen gaur egungo erronketako bat da “enplegagarritasuna”; izan ere, lan-merkatua etengabe ari da aldatzen. Hau da, helburua da une oro beste lanpostu bat lortzeko edo oraingo lanpostua hobetzeko baldintzak betetzea. Hori dela eta, tailer hauen xedea da hautaketa-prozesu bat gainditzeko eta berau ingelesez egiteko jarraibideak eta gakoak ematea; izan ere, gero eta ohikoagoa da hautaketen arduradunek hizkuntza hori erabiltzea.

Lehenengo tailerra, Nola aurkeztu zure CVa ingelesez, uztailaren 4an egingo da, 09:00etatik 12:00etara. Tailerrean curriculum eraginkor bat egiteko oinarrizko jarraibideak emango dira (egitura, atalak, diseinua, etab.); tailerraren amaieran parte-hartzaileek egina izango dute beren CVa, prestatzaileak gainbegiratuta, eta gai izango dira curriculum hori ingelesez defendatzeko.

Bigarren tailerra, Nola prestatu ingelesezko lan-elkarrizketa bat, uztailaren 12an izango da, 09:00etatik 13:00etara. Saio praktiko hau ingelesez emango da oso-osorik, eta hautaketa-prozesu bateko hainbat proba landuko dira: psikoteknikoak, talde-dinamikak… eta, azkenik, elkarrizketa. Horretan jarriko da arreta bereziki, eta zenbait gako emango zaizkie parte-hartzaileei, elkarrizketak arrakastaz gainditzeko.

Tailerrak Aiarako Eskualdean bizi diren pertsonentzat dira, bereziki ingeleseko maila ona dutenentzat, ahoz zein idatziz. Leku kopurua mugatua da (10 tailerreko), eta lehentasuna emango zaie lanik gabe dauden pertsonei.

Tailerrean izena emateko edo informazio gehiago jasotzeko, jarri harremanetan Amurrio Bideanekin, 945891721 telefono-zenbakira deituta edo administracion@amurriobidean.org helbidera idatzita.

Ekainaren 1etik 30era egongo da irekita Reforamurrio Enpresaldea Enpresen Haztegi eta Zentroko modulu edo bulegoetan errentamendu-araubidean sartzeko eskaerak aurkezteko epea. Lokalak zerbitzuen sektoreko (“Bulegoak”) jarduerak egiten dituzten edo egingo dituzten enpresentzat edo pertsona ekintzaileentzat dira.

Modulu edo bulego bakoitza alokatzeko prezioaren barnean sartzen dira lokal bakoitza erabiltzean sortutako gastuak; besteak beste, elektrizitatea, ADSL, berokuntza-sistema, garbiketa eta abar. Prezio horretan sartuko dira, halaber, partekatutako zerbitzu batzuk, hala nola harrera-lekua, office-a, postontzi pribatua, lokalen mantentze-lanak, segurtasun-sistema, bilera-gelak eta abar.

Jarduera hasi behar duten edo eskaera aurkeztean jarduera hasi zutenetik hiru hilabete baino gutxiago daramaten enpresek edo pertsona ekintzaileek prezio hobaridunak izango dituzte enpresa finkatuen aldean.

Gainera, hobari gehigarriak ezarriko zaizkie enplegua sortzen duten enpresei, sortutako lanpostuen arabera (% 20tik % 37ra), bai eta egiten duten jarduera dela-eta berritzailetzat jotzen direnei ere (% 10etik %25era). Bi hobari-portzentajeak bateragarriak izango dira, betiere % 50 gainditzen ez badute.

Oraintxe bertan, zazpi enpresa daude instalazioetan, eta lau modulu daude libre (13,31 metro koadro eta 34,66 metro koadro artekoak).

Pertsona eta enpresa interesdunek Amurrio Bidean-en (El Refor Kalea z/g) lor dezakete informazio gehiago, bai eta 945 891721 telefonora deituta edo administracion@amurriobidean.org helbidera idatzita ere. Reforamurrio Enpresaldeko moduluen eta lokalen esleipena arautzen duten baldintzen pleguak ere bertan jaso ditzakete.

Coworking gune osoa

2016ko ekainean, coworking gune berri batera sartzeko deialdia ireki zen. Gunea 34,66 metro koadroko bulego partekatu bat da, eta Reforamurrio Enpresaldeko lehenengo solairuan dago. Lokalak lau lanpostu, bilera-mahai bat eta bulegoko altzari espezifikoak ditu, bai eta Interneterako konexioa ere, eta erabiltzaileek zentroko gainerako instalazioak ere erabili ahal izango dituzte, bestak beste bilera-gelak, harrera-lekua eta office-a.

Gunea lan egiteko eremu mugatu bat behar duten eta bulegoa partekatzeko arazorik ez duten pertsonentzat edo enpresentzat dago pentsatuta, betiere diseinuarekin, IKTekin, industriari lotutako zerbitzuekin eta halakoekin lotutako jarduera bat gauzatzen badute edo gauzatuko badute. Gunera sartzeko 25 euro gehi BEZa ordaindu behar da hilean.

Orain, lau lanpostuak beteta daude, baina, kontuan hartuta horrelako guneak txandaka erabili ohi direla, gunera sartu nahi dutenak harremanetan jar daitezke Amurrio Bidean-ekin, lanposturen bat libre geldituz gero jakinaraz diezaieten.

Xedea:

Programa honen xedea turismo-enpresen hobekuntza bultzatzea da, honako hau lortzeko: bezeroei eta merkatura bideratutako kalitatezko turismo-eskaintza lehiakorrago baten garapena erraztea; Informazioaren eta Komunikazioaren Teknologien (IKT) harrera eta ezarpena bultzatzea, enpresen eta bezeroen arteko interakzioa eta turismo-negozioen eraginkortasuna hobetzeko; turismoko enpresa, zerbitzu eta produktu berrien sorkuntza eta ezarpena bultzatzea, merkatuan berritzaileak izanik, hori guztia gizarte-, ekonomia- eta ingurumen-iraunkortasunaren irizpideak kontuan izanik.

Eskatzaileak (erakundeak zein pertsonak):

1. a) Turismo-alojamenduko establezimenduak.
2. b) Jatetxeak, tabernak, kafetegiak eta antzeko establezimenduak.
3. c) Bitartekaritzako turismo enpresak.
4. d) Turismo-garraioko enpresak.
5. e) Turismo aktiboko enpresak.
6. f) Kongresuak antolatzen dituzten enpresa profesionalak.
7. g) Turismo-gidariak.

Era berean, Espainiako Turismoko Kalitatearen Q marka lortzeko eta/edo berritzeko 6.d) artikuluan aurreikusitako laguntzak eskuratu ahal izango dituzte, aurreko tipologiez gain, upategiek, sagardotegiek eta txakolin-upategiek, baldin eta aurreko atalean bildutako betekizunak betetzen badituzte eta bisitagarriak baldin badira.

Diruz lagundu daitezkeen jardunak:

Eskabideak aurkezteko datan jadanik egindako eta ordaindutako diren inbertsioak finantzatzera bideratuko dira, hain zuzen ere, honako mota honetako inbertsioak:

• Ekimen berritzaileak turismoaren sektorean.
• Turismo-eskaintzaren modernizazioa, lehiakorragoa izan dadin.
• Turismo-establezimenduak indarreko irisgarritasun-araudira egokitzea.
• Euskal Autonomia Erkidegoan dauden eta turismo-sektorean lan egiten duten enpresetan eta establezimenduetan kalitate-kudeaketako eta ingurumen-kudeaketako sistema egiaztagarriak ezartzea.

a), b), c) eta d) atalak baztertzaileak dira euren artean.

Aurkezteko epea:  2017/07/03

Informazio gehiagorako: Amurrio Bidean

22_MET Modernizacion Empresas Turisticas 2017