COVID-19aren epidemiak eragindako egoeraren aurrean, Amurrio Bideanek aktibo mantendu ditu bere zerbitzuak. Bulegoa itxita dago, baina egoerara moldatu eta gure lan-metodologia arreta telematikoaren modalitatera egokitu dugu.

Horrela, enpresei, autonomoei eta ekintzaileei zuzendutako gure laguntza-zerbitzuen eta prestakuntza eta/edo lan-bilaketakoen jarraitutasuna bermatu ditugu.

Hori dela eta, Arabako Foru Aldundiarekin eta lurraldeko beste eragile ekonomiko batzuekin lankidetzan, Arabako enpresa-sareari zuzendutako laguntza teknikoaren parte gara, zeinaren bidez enpresek COVID-19ari buruz eginiko kontsultak artatzen baitira. ETE eta autonomoentzako neurri guztiak webgune honetan kontsulta daitezke: www.ayudasarabacovid19.eus.

Halaber, udalerriko negozio txikiekin ere lan egiten ari gara, aldatu eta egoera berri honetara egokitzeko egiten ari diren ahalegina agerian jartzeko. Horretarako, “Bizi Amurrio merkataritza eta ostalaritza” Facebookeko kontuaren bidez, herritar guztiekin partekatzen ari gara kolektibo horrek bezeroekiko harremana mantentzeko xedez martxan jarritako ekimen guztiak. Horrez gain, Eusko Jaurlaritzako Merkataritza Sailak diruz lagundutako Amurrio+ programaren bidez, tutoretza ematen ari gara 12 establezimenduri –kanpoko adituek zuzendutako webinar eta tailer birtualen bidez–, zerbitizazioari edo etorkizun hurbilerako prestatzen lagunduko dieten formulei buruzko hausnarketa egiten laguntzeko. Bestalde, maiatzaren 6rako beste webinar bat dago programatuta: “Marketin digitaleko jardunbide egokiak. Berrirekitzea prestatzen “. Gai horretan aditua den Mireia Muñizek emango du. Saioaren helburua da sare sozialen edo marketin digitaleko beste tresna batzuen bidez bezeroekiko harremana mantentzeko edo hobetzeko ideiak ekar ditzaketen edo inspiratzaileak diren jardunbide egokien adibideak erakustea.

Azkenik, etengabeko harremana dugu tokiko enpresa-sarearekin, beharrak hautemate aldera. Halaber, lehendik abiarazita dauden eta tutoretza behar duten proiektuei dagokienez, bideodei-formatuan lantzen ari gara; eta aurreikusitako prestakuntzen kasuan, online formatuan eskaintzen ari gara.

Horrenbestez, enpresa eta autonomoei nahiz prestakuntza edo lana bilatzen ari zaretenoi gogorarazi nahi dizuegu Amurrio Bideanen lanean jarraitzen dugula. Gurekin harremanetan jartzeko, administracion@amurriobidean.org helbide elektronikoa edo 945891721 telefono-zenbakia erabil ditzakezue.

Covid-19aren pandemiak sortutako egoera dela eta, Amurrioko Udalak, egoera horrek ekonomian izango duen egoera negatiboa arintzeko erakunde guztiak martxan jartzen ari diren neurriei eta programei buruzko informazio guztia jarriko du udalerriko enpresen eta autonomoen esku.

Amurrio Bideanen, Amurrioko Udalaren esku dagoen Toki Garapenerako sozietatearen, amurriobidean.eus webgunearen bitartez, edo telefonoz, 945891721 zenbakira deituz edo era telematikoan autoempleo@amurriobidean.org  edo   empresa@amurriobidean.org helbidetara idatziz, ETE eta autonomo guztiek (merkataritza, ostalaritza, industriako eta zerbitzuetako enpresak…) xehetasun osoz ezagutu ahal izango dituzte eskuratu ditzaketen laguntzak eta maileguak eta, beharrezkoa izanez gero, behar diren formularioak betetzeko laguntza ere emango zaie.

Martxan jarri diren laguntzen artean, nabarmentzekoak dira Gizarte Segurantzak ematen duen “jarduera eteteagatiko prestazioa autonomoentzat” izenekoa, eta Elkargik eta Eusko Jaurlaritzak batera abian jarri duten eta %0ko interesa duen finantzaketa lerroa.

Horrez gain, Arabako Foru Aldundiak, beste eragile ekonomiko batzuekin eta garapen agentzien eta koadrilen laguntzarekin, ayudasarabacovid19.eus webgunea jarri du martxan. Bertan, Estatuak, Autonomia Erkidegoak eta Arabako Foru Aldundiak berak ematen dituen laguntza guztiak biltzen dira, eta baita bestelako informazio garrantzitsua ere.

https://www.ayudasarabacovid19.eus/