Tokiko produktuen salmenta kolektiboko esperientziak. Lankidetzan arituko gara?

Urriaren 22an, 11:00etatik 12:30era bitartean, nekazaritzako elikagaien sektoreko lankidetza-esperientziak partekatzeko jardunaldi bat egingo da ReforAmurrio Enpresaldean.

Urkomek, UROLA KOSTAKO Landa Garapeneko Elkarteak, bere lurraldean produktuak batera saltzeko eta erakunde handiei saltzeko (egoitzak, ikastetxeak, etab.) gauzatu dituzten proiektuak azalduko dizkigu.

Azalpenean, proiektu horietan zehar sortu diren onurez, palankez eta babesez hitz egingo du Urkomek, baina baita aurkitu dituzten oztopoei buruz ere. Azkenik, tokiko ekoizleen eta produktuen arteko lankidetzak ematen duen ahalmenari buruzko eztabaida egingo da, bertaratzen diren guztien beharretan eta parte hartzeko gogoan oinarrituta. Lankidetzaren xedea da lehen sektoreak eta nekazaritzako elikagaien industriak dituzten mugak gainditzeko ekintzak gauzatzea, sinergiak bilatuz.

Jardunaldi hau Aiarako Kuadrillako nekazaritzako elikagaien industriako ekoizle eta enpresarientzat da, eta zehazki hobetzeko asmoz lankidetzan jarduteko gogoa dutenentzat.  Kudeaketa Aurreratuaren Europar Astearen 24. edizioaren barruan egingo da, Zabaia Landa Garapenerako Agentziaren laguntzarekin.

Informazio gehiago eskatu edo izena eman nahi izanez gero, jarri harremanetan Amurrio Bideanekin, 945 891721 telefono-zenbakira deituta edo empresa@amurriobidean.org helbide elektronikora idatzita.

AMURRIOK MIKOTURISMO EGUNEN XV. EDIZIOA OSPATUKO DU

Amurrio Bideanek, Amurrioko Udaleko tokiko garapen agentziak ‘Mikoturismo Egunak’ ekimena antolatu du beste urte batez. XV. edizio honetan hiru asteburu izango ditugu, eta perretxikoak dastatu ahal izango dira hainbat tabernatan, XIII. Pintxo Lehiaketaren barruan. Horrez gain, ez dira faltako perretxikoen sailkapena eta erakusketa udal pilotalekuan.

‘Mikoturismo Egunak’ ekimenaren XI. edizioaren programazio osoa:

URRIAK 20, 21, 27 ETA 28, ETA AZAROAK 3 ETA 4:

Perretxikoekin eginiko pintxoen XIII. lehiaketa. Dastaketa taberna hauetan: Atxubi, Batzoki, El Crucero,  Frontón Taberna, Guk, Kili Berria, Kuskumendi, Nagusi, El Rinconcito, Siglo XXI, La Terraza y Txoko Gorri.

Tabernentzako saria:

  • Pintxorik onena, epaimahaiaren bozketa: 200 € eta plaka.
  • Pintxorik onena, herritarren bozketa: 150 € eta plaka.

2018ko pintxorik onena aukeratzeko herri-bozketan parte hartzeko, gutxienez 9 pintxo probatu beharko dira. Bozketan parte hartzen dutenen artean, Apymcara atxikitako saltokietan erabiltzeko 325 €-ko bi sari zozkatuko dira.

URRIAK 20, 21, 27 ETA 28, ETA AZAROAK 3 ETA 4: Menu gastronomikoak

Jatetxeek sasoiko perretxikoekin eginiko menu gastronomikoak: Abiaga (28,00 € + % 10eko BEZa, bodegarik gabe), Bideko (43,00 € + % 10eko BEZa).

AZAROAK 3 LARUNBATA: Perretxikoen sailkapena

18:00etatik 20:00etara perretxikoen sailkapena egingo da udal-pilotalekuan, Arriola Mikologia Elkartearen eta Alberto Villanueva mikologoaren eskutik. Sailkapena publikoarentzako irekia da.

Interesdunak ikusle gisa joan daitezke, zalantzak argitu eta bildutako espeziak eraman ahal izango dituzte, horiek sailkatzeko.

AZAROAK 4 IGANDEA

Urtero Mendiko Lagunak taldeak antolatzen duen Gorobel ibilbidearekin bat, Mikoturismo Egunak ekimenaren amaiera ospatuko dugu.

  • 10:00etatik 14:00etara: artisautzaproduktuen azoka eta salmenta udalpilotalekuan.
  • 11:00etatik 14:00etara: perretxikoen erakusketa udal-pilotalekuan, Arriola Mikologia Elkartearen eskutik.
  • 13:30ean: epaimahaiaren sari-banaketa perretxikoekin eginiko pintxoen XIII. lehiaketako taberna irabazleari.

*ARRIOLA MIKOLOGIA ELKARTEAK ZALANTZAK ARGITZEN DIZKIO ETA LAGUNDU EGITEN DIO PUBLIKOARI PERRETXIKOAK IDENTIFIKATZEN: urtero legez, perretxikoen goi-denboraldia iristearekin batera, Amurrioko Arriola Mikologia Elkartea perretxikoak identifikatzeko zalantzak argitu nahi dituzten edo laguntza behar duten amurrioarren esku jarriko da. Elkarte horretako kideek herritarrei arreta eskainiko diete zalantzak argitzeko Amurrioko Kultur Etxean duten egoitzan, urritik abendura bitarteko astearte guztietan, 18:30etik 19:30era.

 

AMURRIO BIDEAN-EK OSTEGUN DIGITALAK SERIEA BERRIZTATU DU, 9 TAILERREKIN

9 tailerrek osatutako Ostegun Digitalak seriea, partaideen bizitza eta lana errazagoa egingo duten tresna digitalak ikastera eta erabiltzera dago zuzenduta. Guztiak ere ReforAmurrio Enpresaldeko Teknologia Berrien ikasgelan egingo dira.

Tailerrak aktiboan dauden pertsonei daude zuzenduta batez ere, euren trebezia digitalak hobetu nahi dituzten eta Internetek eskaintzen dituen doako tresna digitalei etekina atera nahi dieten autonomoei edo beste batzuentzat lan egiten dutenei.

Lehenengo 6 tailerrak Aiarako Koadrilak antolatuko ditu Amurrio Bidean Sozietate Publikoarekin lankidetzan, eta Vital Fundazioak finantzatuko ditu. Lehentasuna izango dute Aiarako Koadrilan erroldatutakoek. Plazak geratuz gero, langabetuek edo Koadrilan erroldatuta ez daudenek ere hartu ahal izango dute parte.

Tailerrak 16:00etatik 19:30era egingo dira, eta bakoitzean egitarau hauek landuko dira:

Izenburua Eguna Ordutegia
Nork ez du nahi besteak liluratuko dituen aurkezpen bat izaterik? (Powtoon edo Genially) Irailak 27 16:00-19:30
Komunikazio kanal digital egokienak eta ordaindu beharreko publizitate espazioen aukeraketa. (Mailchimp) Urriak 4 16:00-19:30
Ez da gauza bera zerrendak, egitekoak edo proiektuak kudeatzea. Aldeak ikasiko ditugu. (Wunderlist, Zoho…) Urriak 11 16:00-19:30
Gero eta gehiago gara webgunea behar dugun enpresak eta profesionalak. (Paper.li, Wordpress) Urriak 18 16:00-19:30
Esteka baten bitartez ekitaldi baterako inskripzioak automatizatzetik inkesta bat sortzera. (GoogleForms) Urriak 25 16:00-19:30
Taldetan lan egitea batzuetan erronka da, eta agendak eta artxiboak koordinatzea eskatzen du Beste bat! (Drive, Timify, Google Calendar) Azaroak 8 16:00-19:30

OSTEGUN DIGITALAK

 

 

Aiarako Kuadrillak Desafio Aiara erronka martxan jarri du

Aiarako Kuadrillak Business Game bat martxan jarri du, publizitatea, marketinga, diseinua edo antzerakoak ikasten ari diren edo ikasi dituzten eskualdeko gazteentzat.

Desafio Aiaran, hiru eta bost pertsona arteko hiru talde egingo dira eta publizitate agentzia bat balira bezala lan egingo dute. Eskualdeko produktu edo baliabide turistiko bat ezagutarazteko enkargua jasoko dute, eta horren publizitate-kanpaina diseinatu beharko dute. Irabazten duen taldeak 1.500 euroko saria jasoko du.

Hauek dira sustatu beharreko produktu edo baliabideak: txakolindegietara bisitak, eskualdeko azoka eta merkatuak, eta Aiaraldeko kirol-jarduerak. Publizitatearen xedea izango da Kuadrillan bizi ez den jendea erakartzea.

Talde bakoitzak mentore bat izango du. Erronka lau egunetan egingo da, launa orduz, ostiral arratsaldetan. Aurreikuspenen arabera, urriaren 5, 19 eta 26an eta azaroaren 9an izango da, 16:00etatik 20:00etara, ReforAmurrio Enpresaldean.

15 plaza baino ez daude, eta izena emateko epea irekita dago (bakarka nahiz taldeka eman daiteke izena). Izena emateko, jo www.cuadrilladeayala.eus/desafioaiara helbidera; bertan, informazio gehiago eta oinarriak ere aurkituko dituzu.

Desafio Aiara Aiarako Kuadrillak antolatu du Vital Fundazioaren laguntzarekin.

Informazio gehiago eskuratzeko, jo Aiarako Kuadrillara (945 399 122), Ekonomiaren Sustapeneko eta Turismoko teknikariarengana edo Amurrio Bidean zerbitzura (945 891 721).

 DESAFIOAIARA

AMURRIOKO UDALAK ENPLEGU BILAKETARA BIDERATUTAKO HAZILAN PROGRAMAREN HIRUGARREN EDIZIOA JARRI DU MARTXAN

Programaren bigarren fasean Udalak hileko 600€ eta 800€ gordin arteko 12 beka banatuko ditu. Programaren aurkezpena datorren irailaren 24an izango da, eta urriaren 1ean hasiko da.

Amurrioko Udalak, hirugarren urtez jarraian, Amurrio Bidean Sozietate Publikotik kudeatuta dagoen praktiketako Hazilan prestakuntza programa jarriko du martxan. Programaren helburua, goi gradutik gorako prestakuntza zikloko ikasketak dituzten gazteei prestakuntza eta lan aukerak eskaintzea da. Programaren aurkezpena irailaren 24an egingo da, 10:30etik 11:30era, ReforAmurrio Enpresaldean, eta urriaren 1ean hasiko da.

Hazilan, Europako Gizarte Funtsak %50ean finantzatutako programa da, Euskadiko 2014-2020 Programa Operatiboaren barruan, eta kalitatezko enplegua bilatu nahi duten pertsona guztiei dago zuzenduta, lehen enplegua bilatzen ari direnei eta euren lanean aldaketa egin nahi dutenei. Partaideei euren helburuei eta potentzialtasunei buruzko gogoeta egiteko, besteengandik bereizteko, eta hori guztia jakinarazten eta indarrean jartzen ikasteko aukera ematen die.

Programan parte hartu nahi dutenek 20 eta 44 urte artean izan behar dituzte, goi gradutik gorako prestakuntza zikloko ikasketak (CFGS, gradua, diplomatura, lizentziatura, ingeniaritza, arkitektura…) eta lehentasuna izango dute Amurrion erroldatuta daudenek. Horrez gain, partaideek enplegu bilaketa egoeran egon beharko dute eta, euren partaidetza, gehienez ere asteko 20 orduko kontratu batekin bateratu.

Hazilan programa 2 fasetan osatuko da, bat prestakuntzakoa, eta bestea aplikaziokoa, praktiken edo proiektuaren garapenaren bitartez.

Prestakuntza fasean, coaching bitartez, lanpostuetan eskatzen diren trebezia sozio-profesionalak landuko dira, eta baita “marka pertsonala” sortzeko edo ezagutarazteko zenbait tresna ere. Amaitzeko, partaideari enplegua bilatzeko prozesuan laguntzeko banakako zenbait saio egongo dira.

Bigarren fasean praktikak egingo dira enpresan, gehienez ere 6 ordu egunean, edo negozio ideia baten bideragarritasun proiektuaren garapen tutorizatua, ideia martxan jartzeko. Fase horrek 4 hilabete iraungo ditu, abenduan hasiko da eta 2019ko apirilean amaitu. Horrez gain, epealdi horretan, 12 partaidek hileko 600€ eta 800€ gordin arteko beka jaso ahal izango dute. Beka horiek Amurrioko Udalari eskatuko zaizkio.

“Horrelako programek prestakuntza-lan insertzioa modu naturalean indartzeko aukera ematen digute, jardunbide errealetik lanerako trebeziak ezagutzeko eta garatzeko aukera bultzatuz. Eta, horrez gain, praktikak egiten diren enpresako parte izateko aukerak irekitzen ditu. Horregatik, programa hori ordaindutako bekekin indartzen dugu”, adierazi du Estibaliz Sasiainek, Amurrio Bidean-en ardura duen zinegotziak.

Programa urriaren 1ean hasi eta abenduaren 3an amaituko da, goizeko 09:00etatik 14:00etara. Praktiken ordutegia enpresarekin adostuko da, eta proiektua garatzeko ordutegia librea izango da, eta nahi duenak areto bat izango du Haztegian edo Enpresa Zentroan.

Informazio gehiago jasotzeko edo izena emateko, jarri harremanetan Amurrio Bidean-ekin, Haztegian eta ReforAmurrio Enpresaldea Enpresa Zentroan dauden bulegoetan edo 945891721 telefono zenbakian edo empresa@amurriobidean.org helbide elektronikoaren bitartez

Onartuen zerrenda

Ireki da Global Training bekak eskatzeko epea, atzerrian praktikak egiteko

Uztailaren 16ra arte egin ahal izango da eskaera goi-mailako heziketa-zikloko edo unibertsitateko ikasketak dituzten 30 urtetik beherako pertsonei zuzendutako 60 beketako bat lortzeko.

Garapenek (garapenerako agentzien elkartea; Amurrio Bidean bertako partaide da) 28 beka eskaintzen ditu Europarako, 21 Hego Amerikarako, 9 Asiarako eta 1 Afrikarako. Beka bakoitza proiektu partikular bati dago lotuta, eta bertan sartzeko prestakuntza espezifikoa behar da. Prestakuntza hori egiaztatu beharko da.

Bekaren zuzkidura ekonomikoa 1.400 €/hil (gordin) izango da, eta gutxienez 6 hilabete iraungo du. Beka jasotzen duten pertsonak irailetik abendura bitartean joango dira esleitutako lekura.

Parte hartu nahi baduzu, informazio gehiago lor dezakezu www.garapen.net/becas-global-training-2018/ helbidean eta Amurrio Bideanen (945891721).

Urrian hasiko da Hazilan ikastaro berria, enpresetako praktikekin eta beka batekin

Hazilan programaren bigarren edizioa apirilean amaitu zen; horri esker, 7 gazte lanean ari dira, beste 2 beren ideiei ekiten eta 5 aktiboki enplegua bilatzen. Urrian hirugarren edizioa hasiko da.

Hazilan kalitatezko enplegu bila dabiltzan gazte kualifikatuentzako prestakuntza-programa bat da. Hasierako fasean, gazteek prestakuntza jasotzen dute beren trebetasun sozialak, profesionalak eta teknologikoak hobetzeko, enplegua bilatzeko prozesua hobea izan dadin. Ondoren, praktikak egiten dituzte enpresetan edo enpresak sortzeko bideragarritasun-planak garatzen dituzte. Fase horrek 4 hilabete irauten du, eta gazteek Amurrioko Udalaren beka bat jaso dezakete, Gazte Planaren bidez.

Hazilan programaren bigarren edizioan Amurrioko 12 gaztek eta Aiarako 2k hartu zuten parte.  Horietatik 10ek praktikak egin dituzte enpresetan eta 4k negozio-ideia baten bideragarritasun-plana gauzatu dute. Enpresetan praktikak egin dituzten 10 pertsonetatik 4k enpresa horietan lan egiten jarraitzen dute eta 3k lana aurkitu dute programan zehar beste erakunde batzuetan.  Bestetik, bideragarritasun-plana egin duten 4 parte-hartzailetatik 3k beren ideia abian jarri dute edo laster jarriko dute.

Hauek dira programan parte hartzeko baldintzak: 20 eta 44 urte bitartean izatea, gutxienez goi-mailako heziketa-zikloa egina izatea eta lan-bila aritzea. Lehentasuna izango dute Amurrion erroldatuta daudenek, eta haiek baino ezin izango dute beka jaso.

Hitzordua

Irailean programaren aurkezpena egingo da eta urriaren 2an hasiko da.

Informazio gehiago jasotzeko eta izena emateko, jarri harremanetan Amurrio Bideanekin, 945891721 telefono-zenbakira deituta edo helbidera honetara idatzita: empresa@amurriobidean.org.

Erronkak

Praktikak egin dituzten bi pertsonak eskualdeko enpresetan egin dituzte. Edizio honetan ahalegin berezia egingo da gazteek praktikak gertuko enpresetan egin ditzaten, haien ezagutza eskualdean geratzeko, betiere ahal den heinean eta parte-hartzaileen nahiak kontuan hartuta.

Jarduera hau HAZILANen 2014-2020ko EAEko Programa Operatiboaren barnean egin da, eta EGIFek finantzatzen du programaren % 50.

Erabilera berri bat Reforamurrio Enpresaldearen bigarren solairuan dagoen Ekintzaileen Laborategirako.

Ekainetik aurrera, gune hau doan erabili ahal izango da talde-lanak egiteko, aurretik eskaera eginda.

2010eko maiatzean inauguratu zen Ekintzaileen Laborategia, ekintzaileei areto bat emateko beren enpresa-plana edo negozioa garatzeko, bezero potentzialekin eta hornitzaileekin elkartzeko jardueran alta eman aurretik, edo beste enpresa edo ekintzaile batzuekin, etorkizuneko proiektuetan elkarrekin lan egiteko.

Urte hauetan guztietan, ekintzaile askok erabili dute laborategia, bereziki enpresa martxan jarri aurreko merkataritza-lanak egiteko.

Era berean, azken urteetan ikasleen eskaera asko jaso dira, talde-lanak egiteko biltzeko guneak behar zituztela-eta. Iruditu zaigu aretoak ezaugarri horiek zituela, eta ekipamendu egokia beharrizan hori betetzeko; bi erabilerak bateragarri egin daitezke, eta, hala, dauden baliabideak aprobetxatu.

Beraz, ekainetik aurrera, prestakuntza-zikloak, unibertsitate-graduak, masterrak eta abar ikasten ari direnek, elkarrekin biltzeko leku bat behar badute, Ekintzaileen Laborategira jo dezakete.

Pertsona eta enpresa interesdunek, kontsultak badituzte edo informazio gehiago behar badute, hona jo dezakete: Amurrio Bidean (helbidea: El Refor kalea zk.g.; tel.: 945 891721; helbide elektronikoa: administracion@amurriobidean.org).

www.amurriobidean.org

Reforamurrio Enpresaldea hazitegi eta enpresa-zentroan sartzeko deialdi berria

Ekainaren 1etik 30era izango da irekita eskaerak aurkezteko epea

Zerbitzuen sektorea (“bulegoak”) delakoan jarduera egiten duten edo egingo duten enpresa edo pertsona sustatzaileentzako moduluak edo bulegoak dira.

Modulu edo bulego bakoitza alokatzeko prezioan sartzen dira alokatutako lokal bakoitzaren kontsumoaren ondoriozko gastuak (besteak beste: elektrizitatea, ADSLa, berogailua, garbiketa…), bai eta zerbitzu komun batzuk ere: harrera-tokia, officea, postontzi pribatua, lokalen mantentze-lanak, segurtasun-sistema, bilera-aretoak…

Eskaera aurkezteko unean jarduera hasiko duten edo jardueran alta emanda hiru urte baino gutxiago daramatzaten enpresa edo pertsona sustatzaileek prezio hobaridun bat dute dagoeneko finkatuta dauden enpresen aldean.

Gainera, hobari gehigarriak aplikatuko zaizkie enplegua sortzen duten enpresei, sortutako lanpostuen kopuruaren arabera (% 20-37), bai eta garatuko duten jarduera motaren arabera berritzaileak direla jotzen bada (% 10-25). Hobarien ehuneko horiek bateragarriak dira, baldin eta zenbateko osoaren % 50 gainditzen ez bada.

Une hauetan, bederatzi enpresa daude instalazioetan eta bi modulu daude libre: 32,64 m2 eta 34,66 m2-koak, hurrenez hurren.

Interesa duten pertsona eta enpresa guztiek kontsulta egin dezakete edo informazio gehiago eska dezakete Amurrio Bideanen (helbidea: El Refor kalea, zk.g.; tel.: 945 891721; helbide elektronikoa: administracion@amurriobidean.org).

www.amurriobidean.org

ARABAKO TXAKOLINAREN FESTA IGANDE HONETAN OSPATUKO DA AMURRION

Arabako Txakolina elkarteak Txakolin Egunaren hogeigarren edizioa ospatuko du igande honetan Amurrion. Dagoeneko finkatuta dagoen egun horren bitartez, Arabako produktuak bultzatuko dira beste urte batez. Juan Urrutia parkean zazpi upategik egindako txakolin hoberenak elkartuko dira igandean, Arabako Txakolina Jatorrizko Izendapenaren barruan daudenak barne.

Txakolin Egunak, Arabako Errioxako eta Aiaraldeko kalitatezko ardoak sustatzeko lan egiten duen Vitoria-Gasteiz Wine City elkartea omenduko du aurten. “Hori dela eta, eta gurekin lankidetzan aritu direnei eskerrak emateko, aurten, oso gaztea, baina aldi berean oso aktiboa, den elkartea omentzea erabaki dugu. Sortu zenetik modu garrantzitsuan bultzatu dituzte gure lurraldeko ardoak, gure txakolina ahaztu gabe”, azaldu du José Antonio Merino Arabako Txakolina Jatorrizko Izendapenaren gerenteak.

Aintzatespena igandean, 11:30ean, izango da Amurrioko Udaletxeko Osokoen Aretoan. Ondoren, jai ingurunea inauguratuko da, jaiaren hasierako txupinazoarekin.

Euskolabel zigilua duten pintxoen dastatzearekin Txakolin Egunean eskainiko den eskaintza gastronomiko bikainaz aparte, Arabako Txakolina duten Arabako garrafen bosgarren lehiaketa izango da jardunaldiko ekitaldi garrantzitsuenetakoa. Hori guztia, tokiko artisautza produktuen erakusketarekin eta salmentarekin osatuko da, Urduñako Santa Zezilia fanfarrearen kalejirak alaituta.

2017ko uzta

2017ko uzta “oso ona izan da, iaz 2016an baino %43 inguru gutxiago bildu zen arren. Apirilaren 27tik 28ra bitarteko izozteak mahastiak suntsitu zituen. Dena den, 2017ko uztak, kopuruari dagokionez, behera egin duen arren, 350.000 unitate botilaratu dira”, azaldu du Merinok.

Arabako txakolinaren eboluzioa oso ona izan da 1997an Elkartea sortu zenetik, 50.000 litroetatik marka guztiak hautsi zituen 2016ko 460.000 litroetara pasatuz. Dena den, eguraldiaren baldintzek murrizketa handia eragin dute 2017ko uztan. Arabako Txakolina Elkartea sortu zenetik, Eusko Jaurlaritzaren, Arabako Foru Aldundiaren eta gaur egun Vital Fundazioa denaren lankidetza ezinbestekoa izan da elkarteak aurrera egiteko.

2018ko uztari dagokionez, aurreikuspenak hobeak dira. “Udaberria oso ona izaten ari da, eta ez da aurreikusten azken unean uzta kalte dezakeen inolako izozterik gertatuko denik”, aurreratu du Merinok.