Irailaren 14tik urriaren 4ra Amurrioko Udalaren prestakuntza-bekak eskatu ahal izango dira.
Prestakuntza-beka horien helburua da enplegua eta udalerriko langabeen eta enpresen arteko lotura sustatzea, ordaindutako lanbide-praktikak eginez.
Praktikak 6 hilabetez egingo dira, astean 30 orduz. Praktika profesional horiek egiten dituzten pertsonek 830 €-ko ordainsari gordina izango dute hilean, PFEZren atxikipena barne.
Beka eskatzeko baldintzak honako hauek dira:
•Amurrion erroldatuta egotea
•Unibertsitateko gradu-ikasketak, goi edo erdi mailako Lanbide Heziketa edo profesionaltasun-ziurtagiria amaituta izatea
•Beste bekarik ez izatea
•Jarduera berean 3 hilabetetik gorako lan-harremanik ez izatea, titulazioa lortzeko praktikak kontuan hartu gabe.
•Ordaindutako lan-jarduerarik ez egitea
•Bekaren hasieran 25 urte beteta ez izatea, edo 30 urte Gazte Bermearen Sisteman izena emanda egotea.
•Langabezian, Lanbiden izena emanda, eskatzaile gisa.
Bekak norgehiagoka bidez esleituko dira, eta itzuli beharrik gabeko laguntza ekonomikoa izango dira, enpresetan zerbitzuak emateko.
Amurrio Bidean webguneko “Bekadunen praktika profesionalak” atalean ikus daitezke enpresek eskatzen dituzten profilak (https://amurriobidean.org/bekadunen-praktika-profesionalak/ ). Bekaren onuradun izateko baldintzak betetzen dituzten pertsonek, enpresen eskaintzetan islatutako profila ikusi ez arren, beka eskatu ahal izango dute, eta, esleitzen bazaie, Amurrio Bidean-ekin batera lan egingo du praktika profesionalak egin ditzaketen enpresa bilatzeko.
Eskaera aurkezteko, ordenantzak dioenaren arabera, udaletxeko HAZ-en aurkeztu behar da beherago duzun inprimakia, gainontzeko dokumentazioariekin.
Bestalde, nahi izanez gero, gure webgunean ere (hemen) utzi dezakezu zure kurrikuloa, lan bila dagoen beste edozein pertsona bezala.
