Tag Archive for: concuros

“Amurrio Berrikusi zure poltsan” kanpaina: tokiko merkataritza babestu eta poltsa esklusiboa eskuratu

Amurrioko Udala eta Amurrio Bidean erakundeak martxan jarri dute “Amurrio Berrikusi zure poltsan” kanpaina. Ekimen honen helburua da Amurrio Berrikusi programari atxikitako tokiko establezimenduetan kontsumoa sustatzea, eta erosleei edizio mugatuko poltsa esklusibo bat oparitzea.

Parte hartzeko epea

Kanpaina 2025eko uztailaren 7tik 20ra egongo da indarrean. Epe horretan, programa honetan parte hartzen duten establezimenduetan erosketaren bat egiten duen edozein pertsonak parte har dezake, tiketa aplikazioaren bidez igota.

Parte hartzeko jarraibideak

Parte hartzeko, honako pausoak jarraitu behar dira Amurrio Berrikusi aplikazioaren bidez:

  1. Sartu aplikazioan eta sakatu AB botoia.
  2. Aukeratu “Leialtasun-txartelak” atala.
  3. Hautatu “Amurrio Berrikusi zure poltsan” kanpaina.
  4. Igo 2025eko uztailaren 7 eta 20 bitartean egindako erosketa baten tiketa, betiere parte hartzen duten establezimenduetako batean egina bada.

Ez da gutxieneko gasturik eskatzen parte hartzeko.

Lehenengo 200 pertsonek, prozesua behar bezala burutzen badute, kupoi digital bat jasoko dute, aplikazioaren Club AB / Nire kupoiak atalean eskuragarri egongo dena.

Kupoia trukatzea

Kupoia eskuratzen duten pertsonek Amurrio Berrikusi logodun poltsa esklusiboa jaso ahal izango dute Amurrioko Turismo Bulegoan, uztailaren 23tik 31ra bitartean, kupoia aurkeztuta.

Kupoia aplikazioan bertan erakutsi edo formatu inprimatuan aurkeztu daiteke.

Amurrioko Udalak eta Amurrio Bidean erakundeak eskerrak eman nahi dizkiete herritarrei tokiko merkataritzarekin duten konpromisoagatik, eta gogorarazi nahi dute halako ekimenek udalerriko ekonomia dinamizatzen eta gertuko merkataritza-sarea indartzen laguntzen dutela.

Amurriok Euskadiko Autore Hanburgesen III. Lehiaketa hartuko du ekainaren 1ean

  • Zuzeneko musikaz, doako dastaketaz eta bertako edariez lagunduriko ekitaldi gastronomikoa

Euskadiko hiru harategi- eta txerriki-elkarteek —ASELCAR (Araba), HARAKINAK GIPUZKOA (Gipuzkoa) eta OKELBIZ (Bizkaia)— Euskadiko Autore Hanburgesen III. Lehiaketa antolatuko dute datorren ekainaren 1ean, igandea, Amurrioko parkean. Lehiaketa Tolosan ospatutako lehen edizioen arrakastaren ondoren iritsiko da Amurriora.

Ekitaldia Eusko Jaurlaritzako Turismo, Merkataritza eta Kontsumo Sailaren babesarekin eta Amurrioko Udalaren laguntzarekin egingo da. Bertan, sektoreko profesionalek bi kategorietan lehiatuko dute: hanburgesa tradizionala eta berritzailea. Epaimahai espezializatu batek proposamenak baloratuko ditu, eta Euskadiko gourmet hanburgesarik onenak aukeratuko ditu.

Lehiaketa profesionalaz gain, herritarrek hanburgesa-dastaketa doakoaz gozatu ahal izango dute, giro herrikoian. Horrez gain, tokiko ekoizleen edarien postuak izango dira, hala nola Barañano vermuta, Artomaña Txakolina eta Troj garagardoa.

Jardunaldia GWA YA musika taldearen zuzeneko emanaldiarekin girotuko da. Taldea Amurriokoa da, eta 12:30etik 14:00etara bitartean arituko da oholtzan.

Araba Ekinean ‘Zure Ideiak balio du’ lehiaketaren XXI. edizioa jarri du abian eta 10.000 euro baino gehiago banatuko ditu saritan ideia eta proiektu irabazleen artean

Interesa duten pertsonek martxoaren 26ra arte (14:00ak arte) aurkeztu ahal izango dituzte beren ideiak eta proiektuak.

Lehiaketa Álava Emprende erakundeak garatzen dituen jardueren parte da. Ekimen hori Vitoria-Gasteizko Udalak, Arabako Foru Aldundiak, BIC Arabak eta Fundación Vital Fundazioak bultzatzen dute lurraldeko beste ekintzailetza-eragile batzuekin lankidetzan, Amurrio Bidean barne, Araban ekimen ekintzaile berriak abian jartzeko eta sentsibilizatzeko.

Zehazki, lehiaketa honen helburua da izaera berritzaile eta sortzaileagatik nabarmentzen diren ideia ekintzaileak ezagutaraztea eta bultzatzea. Ideia horiek garatzeko fase desberdinetan egon daitezke, eta lehentasuna emango zaie Araban bizi diren edo ikasten ari diren pertsonei.

Epaimahai batek aukeratuko ditu maiatzaren 12an Europa Jauregian aurkezpen publiko bat egingo duten proposamen finalistak.

Sei kategoriatan banatuta daude jarduera-sektore guztiak barneratuz: ideiarik onena, ekimen iraunkorrena, merkataritza eta turismoko ekimenik onena, nekazaritzako elikagaien arloko ekimenik onena, industria-ekimenik onena eta osasunaren arloko ekimenik onena. Kategoria bakoitzeko sariaren zenbatekoa 1.000 €koa da.

 

Kategoria nagusiez gain, beste bost sari berezi ere emango dira, aurrekoekin metagarriak izan daitezkeenak: Gizartea eta enpresa eraldatzeko RPK sari berezia (1.000 €), publikoaren Sari Berezia (300 €), Mobility Lab berezia mugikortasun eta logistika jasangarriak bultzatzeko (1.000 €),Deustuko Unibertsitatearen Sari Berezia, ideia finalisten ekitaldian proiektuaren aurkezpen hoberenari dagokiona (1.000 €) eta, azkenik, Data Value Management sari berezia, adimen artifiziala hobekien txertatzen duen proiektuarentzat (1.000 €), 2025eko sari berria.

Sariak emateko ekitaldia maiatzaren 23an izango da, Europa Biltzar Jauregian, Ekin Day-ren esparruan, Araba Ekinean 2024 jardunaldi nagusian.

Eskabidea formato digitalean aurkeztu behar da, proposamena aurkezten duen pertsona ekintzailearen datuez gain, ideia edo proiektua azaltzen duen memoria labur bat erantsiz, gehienez ere 5 orrikoa.

Informazio gehiago eta lehiaketaren oinarriak Araba Ekinen webgunera jo daiteke https://www.alavaemprende.com/ edo Amurrio Bideanekin harremanetan jarri 945891721 telefonoan  edo autoempleo@amurriobidean.org  posta elektronikoan

Oinarriak-Zure_ideak_balio_du_Oinarriak_2025

Araba Ekinean ‘Zure Ideiak balio du’ lehiaketaren XXI. edizioa jarri du abian eta 10.000 euro baino gehiago banatuko ditu saritan ideia eta proiektu irabazleen artean

Interesa duten pertsonek martxoaren 26ra arte (14:00ak arte) aurkeztu ahal izango dituzte beren ideiak eta proiektuak.

Lehiaketa Álava Emprende erakundeak garatzen dituen jardueren parte da. Ekimen hori Vitoria-Gasteizko Udalak, Arabako Foru Aldundiak, BIC Arabak eta Fundación Vital Fundazioak bultzatzen dute lurraldeko beste ekintzailetza-eragile batzuekin lankidetzan, Amurrio Bidean barne, Araban ekimen ekintzaile berriak abian jartzeko eta sentsibilizatzeko.

Zehazki, lehiaketa honen helburua da izaera berritzaile eta sortzaileagatik nabarmentzen diren ideia ekintzaileak ezagutaraztea eta bultzatzea. Ideia horiek garatzeko fase desberdinetan egon daitezke, eta lehentasuna emango zaie Araban bizi diren edo ikasten ari diren pertsonei.

Epaimahai batek aukeratuko ditu maiatzaren 12an Europa Jauregian aurkezpen publiko bat egingo duten proposamen finalistak.

Sei kategoriatan banatuta daude jarduera-sektore guztiak barneratuz: ideiarik onena, ekimen iraunkorrena, merkataritza eta turismoko ekimenik onena, nekazaritzako elikagaien arloko ekimenik onena, industria-ekimenik onena eta osasunaren arloko ekimenik onena. Kategoria bakoitzeko sariaren zenbatekoa 1.000 €koa da.

 

Kategoria nagusiez gain, beste bost sari berezi ere emango dira, aurrekoekin metagarriak izan daitezkeenak: Gizartea eta enpresa eraldatzeko RPK sari berezia (1.000 €), publikoaren Sari Berezia (300 €), Mobility Lab berezia mugikortasun eta logistika jasangarriak bultzatzeko (1.000 €),Deustuko Unibertsitatearen Sari Berezia, ideia finalisten ekitaldian proiektuaren aurkezpen hoberenari dagokiona (1.000 €) eta, azkenik, Data Value Management sari berezia, adimen artifiziala hobekien txertatzen duen proiektuarentzat (1.000 €), 2025eko sari berria.

Sariak emateko ekitaldia maiatzaren 23an izango da, Europa Biltzar Jauregian, Ekin Day-ren esparruan, Araba Ekinean 2024 jardunaldi nagusian.

Eskabidea formato digitalean aurkeztu behar da, proposamena aurkezten duen pertsona ekintzailearen datuez gain, ideia edo proiektua azaltzen duen memoria labur bat erantsiz, gehienez ere 5 orrikoa.

Informazio gehiago eta lehiaketaren oinarriak Araba Ekinen webgunera jo daiteke https://www.alavaemprende.com/ edo Amurrio Bideanekin harremanetan jarri 945891721 telefonoan  edo autoempleo@amurriobidean.org  posta elektronikoan

Oinarriak-Zure_ideak_balio_du_Oinarriak_2025