Martxoaren 31ra arte zabalik dago “Zure ideiak balio du” 2021 lehiaketaren XVII. ediziorako proposamenak aurkezteko epea
Lehiaketa hau Araba Emprende ekimenaren barruan kokatzen da. Arabako Foru Aldundiak sustatu du ekimena, gure probintzian ekintzailetza lantzen eta sustatzen duten gainerako erakunde eta eragileekin batera, Amurrio Bidean barne (Amurrioko Udaleko Toki Garaperenako Agentzia.
Araban bizi den eta ideia edo enpresa-proiektu bat duen edonork aurkez dezake eskabidea lehiaketara. Helburua ideia ekintzaileak ezagutaraztea da, garapen-maila handiagoarekin edo txikiagoarekin, ideia horiek egia bihur daitezen errazteko.
Hainbat kategoriatan daude jasota jarduera-sektore guztiak; ideia hobea, ekimen iraunkorragoa, merkataritza- eta turismo-ekimen hobea, nekazaritzako elikagaien ekimen onena, industria-ekimen onena, zerbitzu-sektorearen ekimen onena, krisitik ateratzeko irtenbide onena, enpresen gizarte-eraldaketa eta publikoaren sari berezia. Kategoriaren araberako sariak 300 €-tik 1.000 €-ra bitartekoak dira, eskudirutan.
Eskabidea formatu elektronikoan aurkeztu behar da, proposamena aurkezten duten ekintzaileen datuez gain, gehienez 5 orri dituen ideia edo proiektuaren azalpen-memoria labur bat erantsita.Informazio gehiago eta lehiaketaren oinarriak kontsultatzeko, Araba Ekinean webgunea kontsulta dezakezu, edo Amurrio Bidean-ekin harremanetan jarri. Tel.: 945891721 edo postal elektronikoa. autoempleo@amurriobidean.org
